Vermandi vetrarsúpa

Veturinn er tilvalinn tími til að fara inn á við og hlaða batteríin. Samkvæmt Ayurveda er þetta tími til að byggja upp kjarnann okkar, eðlislæga hreysti og æskuljóma. Í Ayurveda er þetta kallað Ojas.

Þessi nærandi, létta og samt fyllandi súpa er rík af vítamínum og steinefnum og engiferið gefur henni vermandi eiginleika. Túrmerik er oft sagt vera undrakrydd en það þarf að borða það rétt til að það geri sitt gagn. Samkvæmt ayurveda er gott að neyta þess með fitu (hér erum við með kókosmjólk og ghee).

Fyrir 2-4

Innihaldsefni:
2 msk kókosolía eða ghee
1 rifið engifer (uþb einn þumall að stærð)
1 tsk túrmerik
1 hvítlauksrif, niðurskorið
150g rauðar linsubaunir (skola fyrst tvisvar)
400ml dós af kókosmjólk
800ml grænmetiskraftur
2 stórar lúkur af spínati
2 litlir púrrulaukar (eða 1 stór)
Safinn úr 1-2 límónum
Salt og ferskmalaður svartur pipar eftir smekk

Aðferð
Hitaðu kókosolíuna eða ghee í stórum potti á meðalhita. Léttsteiktu engifer, túrmerik og hvítlauk í um 30 sekúndur. Bættu linsunum út í, steiktu þær í um 1 mínútu og hrærðu vel í á meðan svo þær festist ekki við botninn. Þetta hjálpar til við að koma í veg fyrir loftmyndun af linsunum.
Bættu kókosmjólkinni út í og grænmetiskraftinum og sjóddu með lokinu á í um 15-20 mínútur þar til linsurnar verða mjúkar.
Bættu spínatinu út í og niðurskornum blaðlauknum. Sjóddu án loks í tíu mínútur í viðbót.
Settu límónuna út í ásamt salti og pipar. (Fyrst 1 límónu og smakkaðu til. Ef þér finnst þörf á annarri límónu þá geturðu bætt henni við).

Berðu fram heitt með góðu brauði.

← Þegar heimurinn brennur Vetrarendurnýjun →

Flokkar

Nýjast

Svefntruflanir í skammdeginu

Jólafríið á það til að setja okkur úr takti og trufla góðar venjur. Það getur verið áskorun að koma sér af stað og finna taktinn aftur í byrjun árs. Og þetta á ekki síst við um svefninn. Svefninn truflast auðveldlega á breytingaskeiði. Ef þú ert að upplifa hitakóf og...

Jólahátíð á þínum forsendum

Jólahátíðin verður oft blanda af gleði og streitu. Og stundum líka sorg. Langir verkefnalistar, fjölskylduboð, hefðir og væntingar geta stundum dregið athyglina frá því sem skiptir okkur raunverulega máli. En þetta þarf ekki að vera svona. Hvernig væri ef við...

Að vingast við streitu

Dauðsföll, áföll og erfiðir vinnufélagar eru streituvaldar sem við getum ekki ráðið við. En svo eru aðrir streituvaldar sem við getum unnið með. Eins og viðhorf, venjur og viðbrögð okkar í daglegu lífi. Flest vandamál sem við glímum við, hvort sem það eru veikindi eða...

Um mig

Ég heiti Guðrún. Jógakennari, rithöfundur, markþjálfi og hómópati.

Ég elska að skrifa. Skrif hjálpa mér að heyra hvísl lífsins í gegn um skarkala heimsins.

Ég styð fólk í að finna jafnvægi í óstöðugum heimi. Að gefa heilsunni rými og hlusta eftir því sem hjartað býður, fram hjá sjálfsgagnrýni og kröfum umhverfisins. Að horfa út, ekki bara um augun í höfðinu heldur líka augu líkamans. Og að skynja töfrana sem búa í Andartakinu.