Naflastöðin eða þriðja orkustöðin tengist viljastyrk og krafti, sjálfstrausti og innri umbreytingu. Hún hýsir hæfileikann til að melta. Bæði matinn sem við borðum og það sem við upplifum í lífinu. Eldur er frumefni þriðju orkustöðvarinnar. Við þurfum eld til að melta og til að upplifa eldmóð og lífsgleði. Til framkvæma, skapa og gera plön um framtíðina. Til að brenna fyrir lífinu. Þegar þriðja orkustöðin er í jafnvægi þá upplifum við stefnu og tilgang.
Meltingareldurinn er nauðsynlegur til að við getum melt matinn sem við borðum. Bragðið af matnum er ekki bara til „skrauts“ heldur hjálpar það okkur líka að melta og nærast. Salt, súrt og sterkt bragð geta hjálpað okkur að virkja meltingareldinn.
Hér er uppskrift að nærandi súpu fyrir haustið og fyrir þriðju orkustöðina. Smjörhnetugrasker fæst í flestum búðum, það eru þessi löngu og mjóu.
Nærandi og kraftmikil súpa fyrir þriðju orkustöðina
¼ tsk svartur pipar
4 bollar smjörhnetugrasker (butternut squash)
1 tsk fennel fræ
2 hvítlauksrif
2 tsk ghee
1,5 sm af fersku engiferi
Safi úr ½ límónu
¼ tsk salt
4 bollar vatn
½ gulur laukur
Leiðbeiningar
Ristaðu graskerið í ofninum á 180 gráðum í um 30 mínútur. Taktu það út og láttu kólna. Nú á að vera hægt að flysja það auðveldlega með grænmetisflysjara. Skerðu það niður í bita sem eru um 2,5×2,5 sm.
Hitaðu 2 msk af gheei í stórum ptti. Brúnaðu laukinn. Saxaðu engifer og hvítlauk og bættu út í. Bættu við salti, pipar og fennelfræjum. Leyfðu þessu að brúnast í um 30 sekúndur og passaðu að brenna ekki hvítlaukinn. Bættu nú graskerinu út í og vatninu og láttu suðuna koma upp.
Lækkaðu hitann og láttu sjóða í um 20 mínútur. Stappaðu með kartöflustappara eða maukaðu í blandara. Settu safa úr hálfri límónu út í tilbúna súpuna.
Berðu fram heitt með góðu brauði.
Ég mæli með að fylgja súpunni eftir með heitu engifertei til að styðja enn betur við meltinguna.
Á námskeiðinu “Lífið í jafnvægi, ferð um orkustöðvarnar” ætlum við að koma jafnvægi á orkustöðvarnar í gegn um jóga, hugleiðslu og slökun. Þátttakendur fá stuðning við að skoða hverja orkustöð í daglegu lífi og fá innblástur fyrir lífsstíl, mataræði og annað sem getur hjálpað.
