Nýlega sendi ég út könnun til kvenna á póstlistanum mínum og á aðeins nokkrum dögum bárust 209 svör frá konum á öllum stigum breytingaskeiðsins.
Svörin sýna sameiginlegan rauðan þráð og líka ótrúlegan fjölbreytileika. Og þau segja mér líka að margar konur eru að leita að heildrænni nálgun á breytingaskeiði
Endurtekin mynstur af einkennum
Það sem endurtekur sig í svörunum eru einkenni eins og:
-
Svefntruflanir
-
Hitakóf og nætursviti
-
Þreyta og orkuleysi
-
Kvíði eða aukin næmni
-
Óstöðugleiki í skapi
-
Hægari líkamsstarfsemi og aukakíló
-
Innri spenna, verkir og heilaþoka
-
Breyting á einbeitingu, minni og þoli.
En á sama tíma er hver og ein kona með sína útgáfu af þessu.
Svipuð einkenni, ólík mynstur
Margar konur tala um að svefninn hafi breyst — en hver og ein er með sitt mynstur:
• Sumar vakna alltaf á sama tíma á nóttunni og ná ekki að sofna aftur
• aðrar sofna fljótt en vakna við minnstu hljóð
• og sumar upplifa blöndu af þessu tvennu.
Að sama skapi tala margar um breytta innri líðan
fyrir sumar er það einbeitingarskortur og sveiflukennd líðan
fyrir aðrar lýsir breytingin sér í aukinni óþolinmæði og innri hraða
og fyrir enn aðrar felur hún í sér aukin þyngsl og tilfinningu fyrir flatneskju
Við erum á sameiginlegri vegferð en samt er hver og ein einstök.
Engin ein lausn. Engin ein pilla. Engin ein leið.
Við höfum alist upp við þá hugmynd að horfa á líkamann eins og vél og þegar eitthvað bilar þá tökum við þann part út fyrir sviga og gerum við hann. Þetta er hluti af menningu sem elskar skyndilausnir.
En breytingaskeiðið virkar ekki þannig.
Hormón vinna saman. Ekki í hvert í sínu horni
Þau eru eins og hljómsveit. Þegar eitt hljóðfæri fer úr takti hefur það áhrif á heildarupplifunina.
Sumar konur upplifa mikinn létti af hormónameðferð.
Aðrar upplifa engar breytingar.
Og enn aðrar finna að einkennin versna.
Ástæðan er einföld (en samt flókin):
Hormónaójafnvægi er ekki aðskilið vandamál
Heldur hluti af stærra samhengi
Svefn, streita, melting, daglegur taktur, tilfinningar…
það rými sem þú gefur sjálfri þér.
Líkaminn talar til okkar á marga vegu.
Og á breytingaskeiði getur tungumálið breyst aðeins.
Þú ert að læra að hlusta upp á nýtt.
Lítil skref geta haft mikil áhrif
Einkenni breytingaskeiðsins eru ekki tilviljun.
Þau eru samtal milli líkamans og lífsins sem við lifum.
Þegar líkaminn bankar upp á er í því fólgið ákveðið tækifæri:
• til að hægja á
• til að endurmeta
• til að skapa nýjan takt
Þú þarft ekki að gera þetta á fullkominn hátt.
Þú þarft ekki að breyta öllu.
Það sem skiptir mestu máli er að muna:
• að líkaminn er með þér í liði
• að eitt lítið skref getur haft mikil áhrif til lengri tíma
• að jafnvægi kemur smátt og smátt
Heildræn nálgun
Snýst um að sjá einkennin ekki sem aðskilin heldur sem hluti af stærra mynstri.
Þetta er samtal milli líkama, huga og tilfinninga.
Sambandið sem við eigum við okkur sjálfar, við líkamann. Við lífið.
Og þessi dýpri tilfinning fyrir að vera hluti af stærri heild.
Allt eru þetta mikilvægir þættir sem skapa vellíðan og visku fyrir daglegt líf.
Þegar við förum að horfa á breytingaskeiðið í þessu ljósi opnast heill heimur af nýjum möguleikum:
-
meiri ró
-
skýrari skilningur á eigin líkama
-
minni líkamleg einkenni
-
meiri orka
-
meiri sjálfsvinna
-
meiri mildi
-
og dýpri tenging við okkur sjálfar
Við hættum að berjast við einkennin, og byrjum að hlusta á þau.
Við hættum að líta á líkamann eins og vandamál, og byrjum að sjá hann sem bandamann.
Með tímanum verður þessi hlustun að leiðarljósi – litlum skrefum, einföldum athöfnum, og mildi sem smám saman skapar nýjan takt og nýja heild.
Einföld skref fyrir bættan svefn
Ef þú ert ný hér og ef svefn og hitakóf eru áskoranir í þínu lífi, þá hvet ég þig til að skoða þetta fría örnámskeið sem ég bjó til. Það fjallar um svefn – og hvernig við getum skapað meiri ró og betri hvíld með smáum, mýkri skrefum: Svefntrullanir og hitakóf
