Að anda er að lifa

Frítt netnámskeið.

Lífsorka er mótsvarið sem við höfum gegn streitu. Á námskeiðinu skoðum við leiðir til að endurnærast og finna kyrrð í gegnum andardráttinn. Og fræðumst um þennan magnaða lífgjafa sem andardrátturinn er.

Fimmtudaginn 16. mars kl 17.30. Allir velkomnir. Námskeiðið verður á Zoom. Ath. nauðsynlegt er að skrá sig til að fá sendan hlekk.

Öndunaræfingar geta stutt okkur í að

Ná auknum þroska
Styrkja ónæmiskerfið
Vinna úr tilfinningum og áföllum
Finna erfiðum tilfinningum farveg
Bæta lífsleikni okkar
Öðlast aukna sjálfsvitund
Auka sköpunargleði
Bæta samskipti við okkar nánustu og á vinnustað
Efla sjálfstraust, bæta sjálfsmyndina og finna uppsprettu að auknu sjálfstrausti.
Auka gleði og hamingju
Sigrast á fíkn
Draga úr streitu og kvíða
Leysa upp neikvæðar hugsanir

Skráning

Lífsorka er mótsvarið

Hver andardráttur er uppspretta lífsorku. Öndunaræfingar gefa okkur bæði aukna orku, innra jafnvægi og friðsæla kyrrð. Þær gefa okkur innri takt og opna orkuflæði líkamans.

Staður: Heima í stofu í gegn um Zoom.
Stund: Fimmtudaginn 16. mars kl 17.30
Leiðbeinandi: Guðrún Arnalds, jógakennari, markþjálfi og leiðbeinandi í Fókusing (aðferð til að hlusta á líkamann og sína innri veröld)

Andardrátturinn er brúin milli líkama og hugar og farvegur fyrir lífsorku, tjáningu og tilfinningar.

Þegar þú eignast andardráttinn þinn þá getur enginn rænt friðsæld þinni.

Umsagnir

„Í kundalinijóga hef ég lært öndunartækni sem breytti heilsufari mínu til mikilla muna. Ég er eins og barn að stíga fyrstu skrefin því bæði er ég að læra að anda upp á nýtt og svo hefur kundalinijóga opnað nýja sýn á lífið og tilveruna þar sem áherslan er jafnt á andlega iðkun sem líkamlegar æfingar.”

ÁSLAUG MAACK

„Eitt af því besta sem ég hef gert fyrir sjálfa mig er að hugleiða daglega og það hjálpaði mikið að hafa stuðning við það. Ég fór endurnærð í vinnuna á morgnana og gat betur tekist á við erfiðar aðstæður, vandamál sem komu upp bæði í vinnu og einkalífi. Ég varð einhvernveginn hugrakkari að segja hvað mér finnst og lét ekki aðstæður setja mig út af laginu.”

HELGA ARNALDS, LEIKSTJÓRI OG LISTAKONA

„Það sem ég sæki mest í úr Kundalini jóga er sjálfstraustið, styrkurinn og jarðtengingin. Tilfinningin, að fara í hjartað og geta verið ég sjálf. Ég get alltaf komið til baka í það. Ég er að vinna vinnu þar sem ég gef mikið af mér. Ég fæ oft erfiða viðskiptavini sem taka orku. Síðan ég fór iðka kundalini jóga og að hugleiða reglulega með, finn virkilega mun. Núna er þetta allt annað líf. Ég er búin að læra að ég er ekki hugsanirnar mínar.”

ANNA DÍS GUÐRÚNARDÓTTIR, SNYRTIFRÆÐINGUR

„Hugleiðslurnar hjálpa mér að vera í andlegu jafnvægi. Með því að hugleiða á hverjum degi fer ég leikandi létt í gegnum aðstæður sem hefðu valdið mér kvíða og svefnleysi áður og finn fyrir ákveðnu æðruleysi gagnvart álagi og óvæntum uppákomum.
Með æfingunum er ég meðvitaðri um líkamann. Ég er ánægðari og sáttari með líkamann minn og er meðvitaðri um að það sem ég borða og það sem ég geri sé að gera líkamanum gott.”

KATRÍN MARÍA MAGNÚSDÓTTIR, SKIRFSTOFUSTJÓRI OG KENNARI

„Kundalini yoga er mjög fjölbreytt og frábær leið til aukinnar sjálfsþekkingar. Hugleiðsla, söngur, áhrifamiklar öndunaræfingar og sadhana hafa reynst mér rosalega vel. Mér finnst ég vera í meira jafnvægi, hæfari til að takast á við streituvaldandi aðstæður og sáttari síðan ég kynntist kundalini yoga.”

RAGNHILDUR EVA

„Mér finnst ég léttari og hressari í alla staði siðan ég byrjaði að stunda kundalini jóga – og líður betur. Ég er betri í öxlunum og aftan á hálsinum. Ég sit mikið við tölvu og stífna upp í herðunum en er miklu betri í skrokknum síðan ég byrjaði í jóga. Ég hef tileinkað mér þá venju að fara með möntrur í stutta stund á morgnana og á kvöldin í 3-4 mínútur og ég fyllist af einhverri vellíðan – það er erfitt að lýsa því. Ég sé mun á litarhaftinu á húðinni og finnst ég verða léttari í skapinu.”

GUÐBJÖRG KJARTANSDÓTTIR, SKJALAVÖRÐUR

Mildi og mýkt

Netnámskeið: Jóga- og sjálfsnæring fyrir konur sem hafa tilhneigingu til að setja sig i síðasta sæti. Þitt jóga á þínum tíma. Stuttir jógatímar fyrir heimaiðkun, hugleiðsla og stuðningur við reglulega iðkun og sjálfsmildi.

Innifalið:

Upptökur með jógaiðkun til að fylgja heima
Upptaka að hugleiðslu og eða öndunaræfingum vikulega
Spurningar til að hugleiða á og hvatning til að skrifa dagbók á meðan á námskeiðinu stendur
Upptökur með fræðslu sem tengist taugakerfinu, streitu og sjálfsnæringu.
Vikulegir fundir á Zoom með sameiginlegri iðkun, spjalli og stuðningi við heimaiðkunina.

NÁNAR

Þjónusta sem er í boði

Vorið kallar!

Jóga,jógaviska og uplyftandi hugarfar inn í vorið.

Æfingar sem endurnæra huga líkama og sál og byggja upp lífsorku. Vorið kemur með nýtt upphaf, ferska vinda og innblástur til að tileinka okkur heilbrigðan lífsstíl.

Æfingar sem endurnæra huga líkama og sál og byggja upp lífsorku. Jóga, djúp slökun og hugleiðsla.

6 vikna námskeið hefst 8. maí. Miðvikudaga kl 17
.

Nánar

Einkatímar

Fáðu stuðning við að setja heilsu og góða líðan í forgang.

Heildrænt heilsuviðtal, hómópatía, markþjálfun, bowen, jógaþerapía, Fókusing.

Einkatímar og heildræn ráðgjöf sniðin að þínum þörfum. Hafðu samband og við finnum út úr því hvernig við getum best unnið saman.

Nánar

Blómstraðu á breytingaskeiði

Netnámskeið sem hjálpar þér að endurnýja lífsorkuna,
sofa - og skilja betur breytingaskeiðið.

Fyrir konur sem sem leita náttúrulegra leiða fyrir aukna orku, hormónajafnvægi og góða heilsu. Og sem vilja gera eitthvað sjálfar til að létta á einkennum breytingaskeiðsins.

Skráðu þig á biðlista fyrir næsta námskeið

Nánar

Hugleiðsla fyrir friðsælt hjarta

Allir geta lært að hugleiða. Hér er hugleiðsla til að prófa heima. Hún er um leið öndunaræfing. Nærandi stund með þér. Skráðu þig hér til hliðar og þú færð senda upptöku til að fylgja. Skráningunni fylgir aðgangur að fréttabréfinu okkar.

JÁ TAKK!