Vökvaðu draumana þína

Grasið er alltaf grænna þar sem þú vökvar það. Hvað vilt þú vökva í þínu lífi?

Hálfsdags námskeið laugardaginn 26. mars kl 10-14

Á þessu námskeiði færðu rými til að hlusta inn á við hvert lífið vill leiða þig næst. Hvað er það sem skiptir þig máli í lífinu? Hvernig viltu að framtíðin þín líti út? Við búum til ásetning fyrir árið. Við skrifum og sköpum, förum í jóga, hugleiðslu og endum á djúpri slökun.  

Hvað viltu næra? Hvað þarft þú til að finnast lífið tilgangsríkt og skemmtilegt? Það byrjar allt þar – að finna og hlusta…
Innri hlustun, hugleiðsla, innra samtal í gegn um skrif og sköpun. Jóga og slökun. Talan þín fyrir árið 2022.
Hvenær: Laugardaginn 26. mars kl 10-14
Verð: 12.500 með afslætti til 23. mars. Fullt verð: 14.900

Skráning: Skráningarskjal

Kennari: Guðrún Darshan

staekkud-2Guðrún Darshan er jógakennari, hómópati og markþjálfi. Hún hefur haldið fjölda námskeiða og rekið stofu undanfarin 25 ár þar sem hún hittir fólk í einkatímum, auk þess að standa fyrir jógakennaranámi. Guðrún hefur tileinkað sér margar mismunandi leiðir sem styrkja einstaklinginn og styðja okkur í að tengja við uppsprettuna sem nærir okkur öll. Guðrún er mikil áhugamanneskja um líf í jafnvægi og galdurinn að lifa og njóta til fulls.

Nánari upplýsingar: andartak@andartak / Guðrún s: 8962396

“Gættu að því með hverju þú vökvar draumana þína. Ef þú vökvar þá með áhyggjum og ótta þá færðu upp illgresi sem kæfir lífið sem býr í draumum þínum. Ef þú vökvar þá með bjartsýni og lausnum þá ræktarðu velgengni. Vertu alltaf vakandi fyrir því að umbreyta hverju vandamáli í tækifæri til að stækka og blómstra. Vertu alltaf vakandi fyrir leiðum til þess að næra draumana þína.”
Lao Tzu

Umsagnir þátttakenda af fyrri námskeiðum:

Ég var afar ánægð með námskeiðið sem var vel undirbúið og skilaði góðum árangri.
Bara örfáar klukkustundir sem hjálpuðu mér að skoða sjálfa mig í aðeins öðru ljósi.
Hallveig Thorlacius

Námskeiðið dýpkaði skuldbindingu mína og tengingu við sjálfa mig og það sem ég hef sett mér sem markmið. Þetta var einmitt það sem mig vantaði.
Hildur M. Jónsdóttir

Ég var ánægð með námskeiðið. Það gaf mér mikla ánægju og gleði og ýtti undir þá ákvörðun mína að fara hugsa betur um sjálfa mig.
Álfheiður Erla Sigurðardóttir.

Námskeiðið er einstaklega gott til þess að fara í gegn um síðasta ár, kveðja það og skoða stöðuna og væntingar til framtíðar. Eitthvað sem ég hefði ekki náð að gera alveg sjálf þó svo ég sé mjög vön að gera það sjálf með huganum. Undirmeðvitundin er búin að stimpla þetta allt betur inn finnst mér. Námskeiðið gaf mér skýrari markmið og losun á gamalli orku í hugleiðslu eða möntru sem ég fór í. Ég var einstaklega ánægð með það.
Melkorka Edda Freysteinsdóttir

Skráning: Skráningarskjal
Nánari upplýsingar: andartak@andartak / Guðrún s: 8962396