Það er margt sem breytist í líkamanum á breytingaskeiði.
Svefninn verður viðkvæmari.
Orkan sveiflukenndari.
Innri hraði eykst stundum án þess að við skiljum af hverju.
Margar konur upplifa að það sem virkaði áður virkar ekki lengur á sama hátt.
En eitt af því sem getur haft meiri áhrif en við höldum — er hvernig við byrjum daginn.
Af hverju morgnarnir skipta máli
Morguninn setur tóninn fyrir daginn. Ef við gefum okkur þó ekki nema smá stund með okkur sjálfum á morgnana þá getur hún fylgt okkur út daginn.
Morguninn er augnablikið þar sem við getum valið.
Við getum farið beint inn í hraðann.
Eða við getum skapað rými.
Ekki endilega eitthvað langt eða mikið.
Jafnvel bara nokkrar mínútur þar sem við eigum rólega og nærandi stund áður en dagurinn tekur yfir.
Þetta gæti þróast yfir í að vera stutt morguniðkun. Tími til að…
– anda
– hreyfa líkamann
– opna orkuflæðið
– losa um spennu
– róa taugakerfið áður en dagurinn byrjar
Líkaminn upplifir streitu eins og hann sé í hættu. Þegar við byrjum daginn svona sendum við honum skilaboð um að við séum örugg.
Og öryggi er grunnurinn að því að finna jafnvægi.
Smám saman gætirðu farið að hlakka til þessara stunda með sjálfri þér. Að eiga rými sem er bara þitt.
Og það að gefa þér rými getur aukið sjálfstraust og tilfinningu fyrir dýpt innra með þér. Kyrrðin færist nær.
Þetta getur haft áhrif á svefninn, hugann og á þessa tilfinningu fyrir innri hraða.
Þetta snýst ekki um viljastyrk — heldur mildi gagnvart sjálfri þér.
Morgunstund sem styður líkamann
Sjálf hef ég tileinkað mér þá venju að byrja flesta morgna með jóga og hugleiðslu.
Á námskeiðunum mínum hef ég stundum boðið upp á sameiginlega morguniðkun til að gefa tilfinningu fyrir því hvað það getur haft djúp áhrif.
Hálftími í jóga á morgnana.
Tenging við líkamann áður en dagurinn byrjar.
Nú í mars er ég að bjóða upp á 11 daga morguniðkun sem ég kalla Nærandi morguntakt — mjúkan og styðjandi ramma til að prófa þetta á eigin skinni.
Ef þú vilt lesa nánar geturðu skoðað hér: Nærandi morguntaktur
