Guðrún Darshan

Durgahof4Guðrún Darshan Arnalds, jógakennari, hómópati og stofnandi jóga- og heilsustöðvarinnar Andartaks.

Hún útskrifaðist sem kennari í Kundalini jóga frá Karam kriya skólanum í London árið 2005 og var fyrsti kundalini jógakennarinn hér á landi. Guðrún hefur undanfarin ár lagt stund á annars stigs nám kennara í Kundalini jóga (Transformation) og hefur lokið fjórum hlutum af fimm; Mind and meditation (2006), Vitality and Stress (2007), Authentic Relationships (2010) og Conscious Communication (2011). Hún lærði að kenna meðgöngujóga hjá Tarn Taran Kaur (Conscious pregnancy 2006) og barnajóga hjá Shakta Kaur (2004) og hjá Gurudass Kaur (2008). Hún stendur fyrir kennaranámi í Kundalini jóga og þjálfar kennaranema með
aðstoð kennara víða að úr heiminum.

Guðrún Darshan hefur starfað sem hómópati og leiðbeinandi í líföndun í um 20 ár. Nýlega lærði hún auk þess Bowen meðferð (2012).

Hún hefur skrifað fjölda greina um jóga, öndun og hómópatíu sem birst hafa í blöðum og tímaritum. Guðrún er einn af stofnendum Íkyta á Íslandi og sat í stjórn félagsins í nokkur ár. Hún kennir kundalini jóga við jógastöðina Andartak samhliða því að bjóða upp á jógíska ráðgjöf, hómópatíu- og bowenmeðferð.

Guðrún Darshan skrifar reglulega pistla sem birtast á Smartlandi. Hægt er að lesa pistlana hér

www.andartak.is