Heilandi viska ayurveda og jóga

Klippt-3Helgarnámskeið helgina 30.-31. janúar. Hentar bæði vönum og óvönum.

Líkamsgerðin þín og jóga – lærum að lifa í takti við náttúruna og við okkar eigin líkamsgerð. Kundalini jóga og ayurveda – systurvísindi jógafræðanna fléttuð saman í innri upplifun og fræðslu.

Á námskeiðinu ætlum við að fjalla um:

  • Heilbrigt mataræði og það hvernig meltingareldurinn tendrar góða heilsu
  • Líkamsgerðirnar þrjár – Vata, pitta og kaffa
  • Hvernig við getum notað mat, krydd og jurtir fyrir meltinguna og heilbrigt líf
  • Hvernig jóga getur hjálpað þér að skapa nýjar venjur sem skapa þér heilbrigði og lífsgæði
  • Leiðir til að rækta með þér heilbrigt ónæmiskerfi, öflugt taugakerfi og innkirtlakerfi í gegnum iðkun Kundalini jóga eftir forskrift Yogi Bhajan

Jóga getur stutt okkur í því að velja það sem nærir okkur í stað þess að leyfa huganum að ráða. Regluleg hugleiðsla er frábær leið til að hafa áhrif á venjur okkar.

Ayurveda þýðir “vísindin um verundina”. Þetta eru systurvísindi jógafræðanna sem kenna okkur leiðir til að lifa í takti við náttúruna og okkar eigin líkamsgerð. Við erum ekki öll eins að upplagi og það getur verið mjög gagnlegt að þekkja eigin líkamsgerð og læra hvað það er sem eflir okkar vellíðan og innri styrk.

Nánar um námskeiðið hér: Heilandi viska ayurveda og jóga

Gleðlegt nýtt ár!

Snjóbúinn

Vorönn í Andartaki hefst mánudaginn 11. janúar

Við í þökkum fyrir nærandi samverustundir. Megi nýtt ár færa þér gleði, birtu og frið í hjarta. Og megi allir draumar þínir rætast.Árið 2016 samkvæmt jógískri talnaspeki býður okkur að takast á við ferðalag innra með okkur sem færir okkur frá átökum, óróleika, ótta og áföllum til þess að finna frið í hjarta. Það kallar á okkur að heiðra það fínlega innra með okkur; fágun, næmni og kærleiksríkt umbyrðarlyndi.

Til þess þurfum við að finna kjarkinn innra með okkur til að standa með hinni ósýnilegu vídd innra með okkur og því fínlega í lífinu. Við erum hvött til þess að efla með okkur næmni fyrir því ósýnilega og fínlega í andartakinu sem er að líða. Og styrk til þess að takast á við aðstæður sem kalla á yfirnáttúrulegt umburðarlyndi.

Að setja áramótaheit er eins og að sá fræjum innra með okkur sem við síðan ræktum í gegnum árið. Megi fræ okkar bera ávöxt sem vex og dafnar í friði, kærleika og umburðarlyndi fyrir okkur sjálfum og öðrum sem við mætum í lífinu.

Hér koma brot úr dagskrá Andartaks á vorönn:
OPNIR TÍMAR verða eins og áður mánudaga og miðvikudaga kl 17.15, laugardaga kl 10.00 og hádegistímar þriðjudaga og fimmtudaga kl 12.05. Nánar hér: Opnir tímar

BYRJENDANÁMSKEIÐ í kundalini jóga hefst 11. janúar. Nánar hér: Byrjendanámskeið

Spennandi HELGARNÁMSKEIÐ: Jóga, mataræði og lífsstíll verður helgina 29.-31. janúar. Líkamsgerðin þín og jóga – lærum að lifa í takti við náttúruna og við okkar eigin líkamsgerð. Kundalini jóga og ayurveda – systurvísindi jógafræðanna fléttuð saman í innri upplifun og fræðslu. Nánar hér: Jóga, mataræði og lífsstíll

KVÖLDNÁMSKEIÐ: Jóga og rétt líkamsstaða - kvöldstund með Karta Purkh Singh, fimmtudaginn 14. janúar.

Jóla jóga

Við hvetjum ykkur til að fara í jóga á aðventunni. Það er dásamleg leið til að endurnærast svo við höfum meira að gefa – fjölskyldunni og öllum þeim sem á vegi okkar verða. Ekki veitir af meiri friðsæld í þessum annasama mánuði :-) Hádegistímarnir okkar verða út næstu viku og sömuleiðis eftirmiðdagstímarnir okkar og síðasti laugardagstíminn er næsta laugardag. Það er hægt að koma í frían prufutíma hvenær sem er. Hér eru nokkur myndbönd sem við gerðum til að veita innblástur í annríkinu sem stundum fylgir jólunum: Jóla – jóga

“Þekking verður aðeins raunveruleg viska þegar þú upplifir hana af öllu hjarta og allri verund þinni.”  – Yogi Bhajan

Gefðu mjúka og nærandi jólagjöf

Andartak_gjafakortAndartak bíður uppá falleg gjafabréf fyrir þá sem vilja gefa jóga í jólagjöf. Það eru ýmis spennandi námskeið í boði eftir áramótin – og svo er hægt að fá mánaðarkort / þriggja mánaða kort og tíu tíma klippikort – svo eitthvað sé nefnt. Einnig erum við með úrval af geisladiskum með fallegri möntrutónlist, jógabókum og jógafatnaði. Fyrir nánari upplýsingar má senda póst á: andartak@andartak.is.

Við minnum á að Andartak er flutt í nýtt húsnæði í Hamraborg 10, 3. hæð.

Möntrur – frelsi hugans

471758_10150899057818895_179454797_oEins dags námskeið næsta sunnudag með gestakennaranum Dev Suroop Kaur


Dev Suroop er möntrusöngkona og mjög skemmtilegur, lifandi og kraftmikill kennari.  Það er afar eftirminnileg upplifun að syngja möntrur við lifandi tónlist.

Njóttu þess að eiga einn dag til að dýfa þér ofan í töfra möntrusöngs og upplifðu áhrifin sem þær hafa.  Möntrur hafa ekki bara ákveðna merkingu heldur hefur hver mantra fíngerða tíðni sem leiðir hugleiðandann inn í kyrrðina innra með sér.

Kundalini jóga býr yfir hafsjó af möntrum og hver og ein þeirra hefur gjöf að færa okkur. Það eru til möntrur fyrir hugrekki, fyrir leiðsögn, fyrir allsnægtir og kraftaverk – svo eitthvað sé nefnt.

Námskeiðið er bæði ætlað fyrir vana og óvana jógaiðkendur til að kynnast dýptinni sem býr í möntrum og líka fyrir vana kundalini-jógaiðkendur og kennara – sem vilja dýpka skilning sinn og upplifun á möntrum í kundalini jóga.

Nánar um námskeiðið hér: Möntrur frelsi hugans

Fjörutíu daga hugleiðsluáskorun

1343212819_MeditationMudraVið í Andartaki bjóðum öllum sem vilja taka þátt að vera með í hugleiðsluáskorun næstu 40 dagana.

Við hefjum hugleiðsluna saman mánudaginn 9. nóvember kl 19.40. Allir velkomnir að koma líka í tímann á undan. Hann hefst kl 17.15. Kraftmikið jóga og gong slökun á eftir.

Eftir það hugleiðum við hver heima hjá sér og í opnum tímum Andartaks þegar þið komist í tíma. Ekki er nauðsynlegt að koma í tíma til að taka þátt en við mælum með því að koma í tíma amk inn á milli til að fá enn meira út úr hugleiðslunni. Við verðum líka með stuðningshóp fyrir þátttakendur í hugleiðslunni á facebook.

Dagleg hugleiðsla gefur okkur aukna einbeitingu, dregur úr streitu og kvíða, bætir ónæmiskerfið og eykur sjálfstraustið. Við förum að sjá betur hvert við stefnum og hvað við viljum í lífinu og öðlumst aukið þol fyrir breytingum og erfiðleikum.

Nánar hér: Fjörutíu daga hugleiðsluáskorun

Náðu tökum á streitunni

AAHH5  vikna námskeið í kundalini yoga hefst mánudaginn 16. nóvember.

Kundalini jóga býður upp á mjög virkar leiðir til að takast á við álag nútímans.  Með æfingum sem byggja á hreyfingu, takti og kröftugri öndun styrkist líkaminn, hann verður sveigjanlegri og jafnvægi skapast í taugakerfi, innkirtlakerfi og ónæmiskerfi.  Með sterkari líkama, slökun og hugleiðslu öðlumst við færni til að takast á við streitu og álag í daglegu lífi.

Nánar hér: Náðu tökum á streitunni

Að yfirvinna kalt þunglyndi

Arctic-ice-cave-001Tveggja kvölda námskeið með gestakennaranum Panch Nishan Kaur.

Kalt þunglyndi er ástand þar sem við höldum áfram að keyra okkur áfram á adrenalíni til að forðast að finna og njóta þess að bara vera.

Þetta er líka stundum kallað “þögn sálarinnar” þar sem við erum hætt að heyra rödd innsæisins og hjartans

Lærðu að stilla streituþolmörkin í takt við náttúrulegan lífstakt þinn. Komdu jafnvægi á inn- og útflæði á orku til að fyrirbyggja að þú yfirkeyrir þig og brennir upp.

Hvað er kalt þunglyndi og hvernig getum við þekkt það í okkur sjálfum? Hvernig geta kundalini jóga og hugleiðsla hjálpað?

Námskeiðið verður haldið 28. og 29. okt kl 17.30-21.00 í Andartaki, Hamraborg 10, 3. hæð. Nánar um námskeiðið hér

Endurnæring, orka og vellíðan

DSC00531Nýtt námskeið fyrir konur sem eru að ná sér eftir krabbameinsmeðferð / sem hafa greinst með krabbamein og konur sem eru í krabbameinsmeðferð. Námskeiðið er líka opið fyrir alla sem vilja endurnærast og efla innri vellíðan.

Námskeiðið verður í 6 vikur: Mánudaga og fimmtudaga kl 10.15-11.45.

Rólegt og endurnærandi jógaæfingar sérstaklega lagaðar að þeim sem eru að glíma við erfið veikindi eða eru að ná sér eftir veikindi. Sérstök áhersla á streitulosun, andlegt úthald og andlega næringu – allt þættir sem hjálpa okkur að tengjast okkur sjálfum og finna tilgang í lífinu.

Meira um námskeiðið hér

Byrjendanámskeið

SJORE_04092014_MG_7424_PPByrjendanámskeið í kundalini jóga hófst í þessari viku. Enn er hægt að bætast í hópinn. Námskeiðið er mánudaga og miðvikudaga kl 18.45. Frjáls mæting í opna tíma á meðan á námskeiðinu stendur. Nánar hér. Upplýsingar og skráning: andartak@andartak.is / s: 8962396.