Leiðbeiningar fyrir seva hópa

Í kennaranáminu höfum við haft þann háttinn á að hjálpast að með hin ýmsu verkefni á kennsluhelgunum til að létta undir og gera helgina ánægjulegri fyrir kennara og samnemendur. Hefð er fyrir slíku í jóga og er það kallað Seva. Seva merkir óeigingjörn þjónusta og á við um vinnu sem unnin er af hendi án þess að fá greitt fyrir. Seva er þjónusta við aðra í samfélaginu og fléttast saman við samkennd og að bera velferð annarra fyrir brjósti. Á sama tíma bætir þú einnig velferð þína þar sem okkur líður oft betur sjálfum þegar við leggjum öðrum lið.

Við skiptum kennsludögunum á milli hópa þannig að hver hópur tekur að sér seva verkefnin í alls 4 daga í kennaranáminu. Þetta eru ekki stór verkefni og ættu ekki að taka langan tíma ef hóparnir skipta með sér verkum og ef allir hópnum hjálpast að. Verkefni seva hópanna eru eftirfarandi:

  1. Sjá um að alltaf sé vatn og te á boðstólnum. Huga sérstaklega að því fyrir hlé.
  2. Skera niður ávexti og setja hnetur og rúsínur í skálar fyrir hlé (Guðrún sér um að kaupa það)
  3. Sjá um að eldhúsið sé snyrtilegt, setja í uppþvottavél, þurrka af borðum og slíkt eftir þörfum. Reyna að hafa hrein glös og bolla tiltæk fyrir hlé.
  4. Aðstoða við hádegismatinn, við frágang og slíkt. Aðstoða við undirbúning á framsetningu á hádegisverði ef á þarf aða halda og sjá um frágang eftir mat, uppvask og annað tilheyrandi. Og sjá um uppvask í lok dags eftir þörfum.
  5. Koma með morgunmat fyrir alla um morguninn sem borðaður er eftir Sadhana kl. 8. Það er t.d. sniðugt og ódýrt að útbúa hafragraut. Það er enginn pottur á staðnum. Ef þið eigið ekki pott getið þið látið vita. Það eru skálar og skeiðar á staðnum. Það hefur reynst vel áður. Staðgóður morgunmatur. Annars er hópnum frjálst að bjóða upp á það sem hann vill sína helgi. Ef boðið er upp á graut er gott að hafa brauð, hrökkbrauð eða annað að auki fyrir þá sem borða hann ekki.
  6. Sjá um að salurinn sé snyrtilegur og aðstoða við frágang í sal eftir kennsluhelgi.
  7. Sjá um að salernin séu snyrtileg og að nóg sé af öllu eins og klósettpappír, sápu og hrein handklæði.
  8. Kveikja á kertum og fylgist með að þau logi allan daginn.
  9. Einn sér um þarfir kennarans, te og annað sem hann gæti óskað eftir.

Í þessu samhengi langar okkur að vitna í þessi orð Yogi Bhajan:

“Þjónusta gefur okkur ást og vináttu, sjálfsagi skapar þokka og sjáfsvirðingu og hlutlausi hugurinn færir okkur visku“. Þetta eru reglur lífsins – Yogi Bhajan

Hópaskipting:

Fyrsti hópur í Seva á laugardaginn kemur er EK og ONG sér um sunnudaginn.

Ek-hópur

Ong-hópur