Hómópatía

ecfHómópatía, stundum kölluð smáskammtalækningar, er heildræn náttúrumeðferð sem ætlað er að styðja okkur í að endurheimta eðlislægt jafnvægi okkar og virkja lækningarmátt líkamans. Líkaminn er í eðli sínu fær um að lækna sig sjálfur. Hæfileikinn til sjálfsheilurnar kemur frá okkar eigin lífskrafti – eða öðru nafni Vital force, Chi eða Prana, allt eftir menningaruppruna okkar. En öll getum við verið sammála um að við höfum þennan kraft.

Sjúkdómar eða einkenni koma í ljós þegar líkaminn er í ójafnvægi einhverra hluta vegna. Einkennin birtast sem viðbrögð við áreiti og álagi og eru merki um viðleitni líkamans til að ná aftur jafnvægi og heilsu. Heilsa einstaklingsins ræðst því af hæfileika hans til að aðlagast þessu áreiti og álagi. Hómópatar fást ekki við að lækna fólk, heldur leitast við að koma lífsorkunni í jafnvægi svo manneskjan sjálf geti náð heilsu á sinn eigin hátt.

Það er svo margt í umhverfi okkar sem getur tekið frá okkur orku eða truflað náttúrulegt orkuflæði líkamans. Viið þekkjum öll að þegar við erum orkulaus þá erum við gjarnari á að veikjast. Líkaminn er eins og hljóðfæri sem þarfnast stillingar. Hómópatískar remedíur geta hjálpað líkamanum að stilla strengi sína og virkja þannig innibyggðan heilunarmátt líkamans.

dropiHómópatía er algerlega skaðlaus,veldur engum aukaverkunum og er þess vegna mjög örugg aðferð til að meðhöndla jafnt fullorðna sem börn. Hómópatinn notast við efni úr jurta-, steina- og dýraríki sem eru þynnt út með ákveðnum aðferðum og það er einmitt þessi mikla þynning sem gerir þau svo skaðlaus. Hver og einn fær “remedíu” sem er sniðin að hans eigin þörfum og einstaklingseðli og tvær manneskjur með sama kvillann fá þannig ekki endilega sömu remedíuna. Ef þú færð remedíu sem samsvarar einkennum þínum í heild þá hefur hún yfirleitt áhrif á heilsu þína og vellíðan almennt.

Hómópatísk meðferð vinnur vel með annari heildrænni meðferð sem og hefðbundinni læknismeðferð.

„Meðferðaraðilinn á sér ekkert æðra markmið en að lækna þá sjúku, að fylgja því sem nefnist List Lækningarinnar. Æðsta hugmynd lækningar er að hún vinni ört, af værfærni og stuðli að áframhaldandi endurreisn heilsu eða að numinn sé á brott sjúkleikinn í heild og honum eytt, með fljótlegri, áræðanlegri, og skaðlausri aðferð samkvæmt viðteknum lögmálum“ 
Dr. Samuel Hahnemann,  „The Organon of Rational Healing“, 1810

Tímapantanir:

andartak@andartak.is / Guðrún s: 8962396

9764574_xxlNánar um hómópatíu:

Hvar getur hómópatía hjálpað? Hvar hjálpar hómópatía?

Hvernig fer viðtal fram? Hvernig fer viðtal fram?

Uppruni hómópatíu: Uppruni hómópatíu

Greinar um hómópatíu

Hómópatía og stofngerðir barna. Hómópatía og stofngerðir barna

Hver ber ábyrgð á heilsu okkar Hver ber ábyrgð á heilsu okkar?

Hómópatía á meðgöngu og í fæðingu. Hómópatía á meðgöngu og í fæðingu

Jóga og hómópatía: Frjósemi,meðganga,fæðing og eftir fæðingu. Frjósemi, meðganga, fæðing og eftir fæðingu